E a zwaai cu cuchiu… Asina mes e no a perde trabou
E a zwaai cu cuchiu
Asina mes e no a perde trabou
Hopi biaha mi sa tende cierto empresarionan ta bisa cu e leynan di labor di Aruba ta favorece e trahado so. Of cu Arbeidszaken eigenlijk mester wordo jama Arbeiderzaken paso semper nan ta pro trahador y contra e doño di trabou. Kisas mas bien esaki por ta un generalisacion cu a nace di un of más incidente isola of un mal experiencia. Ki dia ey mi wowo a cai riba un artículo cubriendo un decision di corte cu a hala mi atención. Ora ma lese ma compronde kiko exactamente a pasa y con e cos a bai. Awe lo mi comparti e detayes nan di e caso aki paso ta juist un caso asina por hiba cierto hende na e conclusion cu nos leynan laboral ta pro trahado so aunke cu no necesariamente esey ta e caso.
Eternamente studiando
Promer cu mi drenta den e caso mes lagami conta boso cu parti do mi profesión ta pa constantemente monitor, sigui, investiga y cuestiona desaroyonan riba varios tereno legal. Además ta necesario pa warda e información aki sea riba un server of den e memoria pa si mañan mester di algún detaye esaki por wordo busca bek y poni den practica.
Cuchiu a skeiro
E co a start riba 1 di mei 2022 na pia di trabou. Pa ta precies den un establecimiento di horeca. Ey somehow un discussion a start anto e trahado su buchi lo a llena y e sea pasa man pa cuchiu of saca uno I a zwaai cu esaki den direcion di su superior. E superior no a tuma esaki y a llama polis. Polis a bin wak kiko ta kiko y pa fría e situación a bisa e trahado bai chill na cas. Dos dia despues, 3 si mei 2022, e jefe a entrega un kejo penal (aangifte) na polis pa amenaza (cu un cuchiu).
E retiro (washi washi)
Dia 5 di mei 2022 e jefe ta manda e tersio un carta (poco washi washi) bisando cu trahado ta wordo retira di forma immediato pa “e delito inaceptable cu e a comete na e establecimiento”. Como topico di e carta e a pone “amenaza 1 di mei 2022”.Ta bon pa nos para keto un rato na e time-line. E cuchiu a wordo gezwaai of e menasa a tuma lugar 1 di mei. E carta di retiro di “imediato” a bin 5 di mei cu otro palabra sigur 4 día después di e sucedido. Di con mi ta para keto ki? Pasobra pa un retiro di inmediato (op staande boet style) mester wordo duna di immediato o sea más rápido posible y además menciona detajadamente e hechonan y e motibonan pa cual e retiro ta wordo duna. Den caso cu mucho tempo pasa e karakter “di inmediato” ta baja y ta keda Nes cos cu un thee slap. Awor berdad tambe ta cu cada caso ta único y por pasa cu varios dia por pasa y toch un retiro di inmediato no ta dirti keda na nada.
Ban wak kiko juez a haci den e caso ki.
Corte di
Den e caso aki corte a laga e retiro na werki. Corte ta di opinión cu e doño di trabou – a lepia – a tarda mucho hopi of laga mucho dia pasa promer cu e duna e carta di retiro. Cu otro palabra e retiro a perde su karakter di inmediato. Además di esey corte di cu e carta riba su mes no tawata suficiente fuerte, detaya y motiva pa justifica dicho retiro. Corte ta sentencia e doño di trabou pa sigui paga e sueldo y pa laga e homber bin bek na trabou pa Asian reanuda su trabou!i
Well well….
Well well kisas lo bo bisa pero ta cuanto más e doño di trabou mester wanta? E mester warda te dia e guy klabe un cuchiu promer cu e por kita e homber? Ki e mester haci of ki e mester a haci? Well pa cuminsa kisas e mester a contact #SuAbogadoFaborito mane e incidente a tuma lugar y e ora en todo caso lo e por a haña un guía, consejo y asistencia di con pa handle e situación. Awor si e a haci esey y a sigui e consejonan tambe corte lo mester a evalua e caso y e carta di retiro cu full un otro bril. Un bril cu casi sigur lo a hiba corte na e conclusion cu e retiro si tawata ta duna na e forma corecto y cu si e tawata na su lugar! Pero ja e no haci esey.
Stop di blof
Pa nan no bisa cu mi ta blog of exagera mi por ilustra cu un caso na 2019 unda un empleado di waf a drenta oficina di su jefe cu un cuchiu tur excita y a bisa su jefe
“mi ta corta po strot sace afor”.
E jefe no a ril y a bise
“esey no ta bai pasa”
Djey tambe a sigui un kejo penal más in carta di retiro cu si a wordo traha bon y cu a wordo gestoot den e tersio su body na tempo.
E trahado a bai corte y despues a apela. Den tur dos instancia corte a haña cu e retiro tawata válido.
Tip pa trahado
- Ruman un cos ta sigur saca un cuchiu na pia di trabou y amenza un colega of superior cu ne no ta un bon idea. Ni den joke. E joke ey por costabo bo trabou y trabou awendia no ta facil.
- Si bo haña un carta di retiro den bo body. No perde tempo y bai right away cerca #BoAbogadoFaborito pa e wak e carta pa bo y evalua Bo posición. Bo no ta gana mucho lagando tempo pasa y bo por hasta perde cierto derecho si bo tarda di más
Tip pa doño di trabou
Deal cu trahado ta parti si e business. Trate asina y no tuma incidentenan na trabou den in for a emocional of personal. Algo bai robes, cabes friw y contact #BoAbogadoFaborito pa asina wak y discuti e co bon promer cu bo tuma paso. Corda cu depende di ki paso bo tuma e mesun hecho por resulta den un retiro válido of uno inválido. Abo kies cua bo ta prefera.