Fia cen n’ ta nada, cobra t’e cos

November 22, 2021

Si bo a yega di tende algo manera: “ruman mi ta den un preta ki” of “men bo por presta mi poco cen” of “mi ta paga bo bek sin falta” anto e chens ta grandi cu un famia of brother a pidi bo fie cen. Awor si bo a bis’e no, chens ta cu boso ta bon cu otro ainda. Si ba dal aden y fie, porta boso no ta papia mas, vooral pasobra e ta bula pipa.

Presta placa

Ora di presta placa partidonan ta cera un acuerdo di prestamo. Awor ora esaki bay entre friends or family, esaki hopi biaha ta bay masha simpel mes. Presta mi 750 florin y mi ta paga bo bek den 2 luna. Hopi biaha ta seal un deal asina cu un simpel handshake of un buks. Esaki por y ta perfectamente legal. Awor si mañan cos bruha y e yave no paga bo bek y bo kier cobr’e via corte, bo por haya bo cu un problema si e ora e yave bisa cu e no ta corda mas cu bo a prest’e placa of e ta corda cu ta 100 florin so b’a fie y pa paga bek den 2 aña! E cosnan ‘ki por pasa of sa pasa gewoon asina.

Uza papel!!

Awor si bo kier regla e cos miho y kisas tambe cuida e relacion, uza papel. E no mester ta algo complica pero si regla of fiha e punto tan basico. Por ehempel, e montante, e interes pa paga y ki dia e ta paga bo bek. Miho ainda, si bo inclui e dia riba cual e pago mensual mester wordo haci, e forma di pago, e forma di calcula interes y sin lubida e penalidad si acaso e no paga riba e dia acorda. Bo kier ta mas sigur ainda, anto stipula cu e lo paga bo gastonan cu bo haya bo cu ne si e no paga of laga un otro hende mas firma banda di dje pa para pa e prestamo of e para borg. Esaki ta pone cu boso dos ta tuma e cos na serio y ta regla e cos bon di antemano. Si boso no por yega na otro e por ta un bon señal pa no bay door cu e prestamo aki.

Riesgo

Fia placa no ta algo asina facil. Pa cuminsa, bo mester tin poco placa pa por afford fia un otro hende. Si bo no tin esaki of lo bo cay preta si e brochi no por paga bo bek, kisas miho bo no fie e cen. Por ta bo conoce e persona bon pero si no no por evalua su posicion financiero o sea su entrada, su gastonan y su debenan, kisas miho bo no fie cen. Tin negoshinan cu si ta den e negoshi di haci prestamo y nan si tin e capital y e sistema pa screen e persona y wak si nan ta fie y te cuanto nan ta fie. Ey sigur nan lo firma un contract y nan lo defini tur e condicionnan di e fiansa. Miho sugeri bo brother e bay fia cen aya. Un luga cu ta duna prestamo personal asina ta TotalFinance. Excluyendo e banconan local, tin mas pero no ta tur tin mesun bon nomber y ta conoci cu tin cu ta cobra interesnan exorbitante.  En bes di busca placa fia, miho bo traha pa bo cen y traha dam warda awa!