Mi buki nobo di ley laboral
E siman cu a pasa mi a lanza mi ultimo buki cu ta trata e tema d leynan laboral. Manera ta tradición mi a hanja d oportunidad pa presenta e promer ejemplar na e prome ciudadano di nos pais, gobernador di aruba. Su excelencia Alfonso Boekhoudt. Despues di esaki pa haci e entrega na gobierno cerca e minister di labor, Glenbert Croes y minister di justicia Rocco Tjong. Awor e buki ta disponible online https://www.aboutthelaws.com/product/bwa-boek-7-titel-10-arbeidsverordening-2013-arubaans-arbeidsrecht/ caminda tambe por paga online. Awe e columna LEGAL lo ta dedica na esaki. Conoce un poco di e historia di mi trabouw como redactor y autor di bukinan di ley di Aruba.
Studiante
Como studiante na Universidad di Aruba mi tawata tin e placer di hanja les di labor di e maestro mr. Neppy Henriques, en feliz memoria. E a conta nos cu nos leynan laboral ta reparti den diferente afkondigingsblad y cu door di esey e no ta fácil pa un dunador si trabou of un trahado pa tin aceso na e leynan aki pa asina sa ña kiko nan mester mantene nan mes na dje. Pa juda nos e a traha un set di kopie cu difference ley cu e a acúmula door di tempo. Como docente e no solamente a siñami pero tambe e a inspirami pa tackle e problemática aki. Asina somewhere den anja 1997 ma cuminsa traha riba un buki y esaki a wordo publica na 1998. E buki ey tawata un compilacion di e leynan principal di labor y otro leynan cu relaciona cu empleo. Cada artículo a hanja un palabra clave (trefwoord) pa asina hacer más fácil pa por busca e artículo relevante. No solamente pa esnan den e practica di ley pero tambe pa e dunador nan di trabou, trahador, sindicatonan, personaban cu ta traha den Human Resources y e ciudadano en general.
Uzo
E buki a wordo bon ricibi door di comunidad y a wordo uza extensivamente. Tambe door di nos juesnan na Aruba y esnan di Hof ora ta trata casonan laboral. Durante un curso duna ña Universidad di Aruba door di un eminencia Hulandes riba terreno laboral mr. R.A.A. Duk e profesor tawata tin e buki den su man y a reconoce mi presencia y e bunita trabou durante su lectura. Después mi a hanja e oportunidad pa papia cu ne y e menciona cu e ta uza e buki ora e ta haci casonan di casación na Corte Supremo.
E tempo ey
Cu un budget di studiante pero cu sosten di mi amigo Serge Mansur, e tempo e director si Superior Tobacco a logra produci y print e buki. E tempo ey esaki tawata un proceso elabora y costoso. Vooral pa un mercado chikito manera esun di nos. Mi amigo Andy Lacle e tempo ey a saca un schouder y haci e layout pami. E tempo ey sr. Anselmo Pontilius, mediador di gobierno, a skibi un voorwoord pa e buki. Na 2001 ora a saca e di dos version tambe Serge a contribuí junto cu Sr. Chobby Croes, e tempo ey director di Antraco. Los di Esey Antraco, Van Dorp y Plaza Book Shop a pone e buki den nan boekhandel ña venta. Mi no por leda sin agradecí nan un biaha más más pa e sosten y pa e aporte. Sin nan e aventura aki no lo a materialisa.
mr. Bryan Coffie 2013
Ña 2013 cu ayuda di mr. Bryan Cofffie, abogado y awe mi socio den Gomez Coffie nos a sace e di tres druk. Su contribución tawata valioso y den e proceso Bryan a specializa su mes riba derecho laboral y awe no solamente ami pero otronan ta considere e “gurú” ariba e tema aki. Na Bryan tambe in palabra di Danki. Na 2013 Minister di Labor, Otmar Oduber a skibi e voorwoord pa e buki.
2013-2021
Den e periodo aki tawata tin cierto cambionan den nos leynan. E cambionan aki nos mes na trabou tawata hou bij na nan door di schrap of añadí textonan den e ultimo buki. E Código Civil cu tempo ey mester a drenta na vigor anytime y cu lo trece cambionan significante cu ne pa nos leynan laboral a keda stagna den parlamento y no kier a pasa pa caba. Esaki a pone cu saca un buki nobo tawata un riesgo.
Otro bukinan
Entre tanto a pública tambe buki a riba tereno constituciónal, corporativo y civil. Banda di dos buki conmemorativo pa 50 aña di Statuut y ña honor di gobernador mr. Olindo Koolman
Código Civil
Ora e Codigo Civil a drenta na vigor dia 1 si september 2021 e momento a llega pa bula tras di typewriter atrobe y produci e buki. E biaha aki a enfoca riba e título nobo di labor den e Código Civil y e Ordenansa Laboral. Mescos cu na 1998 cada artículo a hanja in palabra clave (trefwoord) pa asina hacie más fácil pa e usuarionan y juda navega e ley di un forma más fácil.
Website
Mirando e desaroyo técnico a dicidi di distribuí e buki aki online. E pagina www.AboutTheLaws.com ta un blog unda tur columna LEGAL ta wordo publica después cu e sali den Trempan.Ey e colección completo t disponible. Tambe a crea un webshop pa asina por cumpra e buki (nan) online. Ta spera cu asina e ta haci e buki más acesible pa abogadonan, juristnan, sindicalistanan, dunador di trabou y abo.
Disponibel
E buki ta disponibel ña https://www.aboutthelaws.com/product/bwa-boek-7-titel-10-arbeidsverordening-2013-arubaans-arbeidsrecht/ den e webshop por haci e bestelling y tambe paga cu sea credit or debit card. E prijs di e buki ta Afl. 99.– Tin un opcion pa delivery tambe.
email: [email protected] si tin cual kier pregunta.
#conoceboderecho #conocenos leynan