ATL

Plaza Accord 2.0: E Binidiero Devaluation Monetario. Autor: Simon Waslander

 

Titulo: Plaza Accord 2.0: E Binidiero Devaluation Monetario.

Autor: Simon Waslander

Na anja 1985, e economianan mas grandi di mundo, cual na e tempo ey tawata Alemania y Japon hunto cu Estados Unidos di Merca, a bin hunto pa yega na un areglo pa baha e valuacion di e Dollar Americano. Esaki paso e US Dollar a bira demassiado fuerte cual tawata causando problema economico pa te asta otro paisnan influencial mane Alemania y Japon. Mane nos por wak den e siguente grafico e US Dollar index a dobel den balor den menos cu 4 anja den e periodo entre 1981-1985.

Riba 22 di September 1985, na Plaza Hotel na New York a dicidi cu lo artificialmente baha e balor di e moneda Americano. Mane nos por wak den e mesun grafico anterior den 2 anja e US Dollar a perde mita di su balor despues di e Plaza Accord.

Economia Global ta Echo 1985.

Analysando e situation di dia di awe, nos por wak differente echonan cu 1985. Esun mas obvio ta cu e US Dollar ta hisando den manera extremo den e lunanan cu a pasa, mane nos ta wak den e siguente imagen.

Esaki a cuminsa causa problemanan summamente grandi den differente pais caba.
Ehempelnan mas grafico ta Sri Lanka, Turkia y Argentina. E economia di paisnan aki a cai den otro completamente. Hopi otro pais mane Libanon, Honduras y otro paisnan Asjatico ta riba rand di problemanan economico grandi debi na esaki.

Pero dicon un Dollar halto ta asina problematico?
Pasobra e paisnan tin debe riba mercado di obligaccion international den US Dollars. Dus si e moneda Americano hisa, e debenan ta bira mas problematico pa paga. Ademas tur cos cu wordo importa mane petroleo, gas, y productonan di agricultura ta bira mas y mas caro.
Esaki ja caba y ta causando hopi instabilidad social y politico den varios pais.

Dicon e US Dollar ta Hisando asina Hopi?

Prome nos wak den futuro, ta importante pa wak e pasado recien pa analisa dicon e Dollar ta hisando asina hopi.Wel esaki ta debi cu e banco central Americano, US Federal Reserve ta hisando interes aggresivamente pa purba tene inflaccion bou control. Esaki ta pasando den contexto di un economia global cu ta den un recession caba. Differente indicatornan mane e segmento di construccion Americano, e nivel cu banconan rond mundo ta cortando nan nivel di duna credito y e prijs di koper tur ta indica den un manera summamente fuerte cu e economia global ta cayendo den manera drastico y significante. Esaki ta illustra den e siguente 3 grafico di analista Alfonso Peccatiello.

 

Awo den contexto global e economia di Merca ta esun di mas fuerte relativamente, vooral si compara cu Europa y Japon. Debi na esaki e moneda di Merca ta hisando relatief na casi tur otro currency na mundo.

Lo Yega un Punto cu G7 no lo Accepta un Dollar Halto mas.

Pa e politiconan na Merca, no tin mucho emphasis riba e economianan chikito y pa nan irrelevante mane Argentina y Sri Lanka. Si tin hopi mas attencion si presion politico lo surgi di Union Europeo y Japon. Awo e Dollar no ta na un nivel ainda cu esaki lo tuma luga, pero si wak ful e contexto di economia global. Tin tur indicacion cu e US Dollar lo sigui hisa den lunanan binidiero. Ora esaki yega un punta di por ehempel 115-120 riba e US Dollar Index “DXY”, mi lo verwacht cu lo bin kehonan official y publicamente di varios pais den e union economico “G7”.

Plaza Accord 2.0 ta na Caminda.

Ora G7 cuminsa keha publicamente over e valuacion halto di e moneda Americano, nos lo basicamente wak un replay di 1985 unda e paisnan grandi lo yega un areglo artificial pa baha e balor di e Dollar.

E impacto di un Plaza Accord 2.0 lo ta bai ta masha profundo mes, pa full e poblaccion di mundo henter, incluso tur hende na Aruba. Den practica e balor di spaargeld, salario y pensioen lo baha den manera grandi y severo.

Esnan cu tin “capital assets”, mane accion, cas, tereno y oro lo beneficia.
Pero pa majoria hende e impacto lo ta summamente negativo.

Ta mi speransa cu e articulo aki cu nos lidernan local pensa y refleha riba e possibel scenario aki y tuma accion preventivo pa cu e dolor cu elo por causa pa Aruba.

 

Share on social media

Facebook
Twitter
LinkedIn