Sin matrimonio no tin divorcio! Algun aspecto legal di divorcio

February 16th, 2021

Sin matrimonio no tin divorcio: Algun aspecto legal di divorcio

Ban casa

Tipicamente parehanan ta dedica hopi tempo pa planea nan matrimonio. Nan ta kies fecha, misa, padrino, madrina, lugar pe fiesta, decoracion, luna de miel y sin lubida nos famoso bolo preto. Nada mihor cu un bon fiesta di casamento. Pero kisas ta bon nos para keto un rato wak algu aspecto legal di un matromnio y den e mesun rosea di un divorcio. Aunque tipicamente parehanan no ta pasa mes hopi tempo ta planea pa un divorcio manera un casamento.

Matrimonio

Pa nos trata divorcio ta bon pa nos para un rato prome na e pregunta kiko ta un matrimonio? Mi ta sigur cu lo por tin diferente contesta riba e pregunta aki. Ami lo limita mi mes na e defincion legal.  Matrimonio ta regla den nos codigo civil. Esaki ta indica e requisitonan, formalidadnan, con, na unda y ken ta autoriza pa oficializa un matrimonio. Pa lo cual ta e ultimo aki e unico persona autorisa pa nos ley pa cera un  matronio ta e e  abtenaar di burgerlijke stand (censo). Si un matrimonio no ta cumpli cu un of mas requisito esaki por ta nulo. or hempel nos por wak con na nos beanchnan turista ta bin casa. Esaki sea ta algo ceremonioso of religioso despues cu sea aki na Aruba mes of den exterior e matrimonio civil ya a tuma lugar.  Si no tin un matrimonio civil promer cu esaki e ceremonia riba beach por ta un bunita recuerdo pero e no ta un matrimonio legal for di cual naturalmente no por sali cierto derechonan. Ta comun cu parehanan ta casa pormer pa civil o sea pa “raad” y despues ta casa (atrobe) dilanti misa segun nan respectivo religion.

Efecto legal 

Segun nos ley e matrimonio ta trece cu ne cierto obligación y tambe ta trece cu ne cierto cambio den e status di un persona pa lo cual ta trata entre otro su bienes. Esaki no tin nada di haber cu e parti emocional solamente cu e parti legal. A menos cu partidonan a escoje pa esaki no tuma lugar via un akta firma dilanti un notaris na momento cu e matrimonio keda oficalisa e bienes di ambos persona ta bin hunto y ta forma bienes comun matrimonial. E excepcion ariba e regla aki ta si tin un bien por hempel un cas cu por hempel e mujer a hereda via un testament y esun cu a laga e vas pe a explicita den su testament cu e cas no por bira parti di bienes comun matrimonial. Na mes momento e debenan tambe ta bin hunto y forma debe comun matrimonial. Esaki kier men cu awor ambos partido ta responsabel pa e debe cu nan tawata tin promer cu nan a casa. 

Divorcio

Un divorcio ta word oficalisa no door di e ambtenaar di burgerlijke stand pero sino door di un juez cu at forma parti di Corte di Promer Instancia na Aruba. Pa llega asina leuw no mester bai reserva fecha manera ta haci ora di casa pero mas bien mester presenta un peticion (por escrito) na corte cu ta cumpli cu cierto requisito, entrega e petición aki na corte, para Afl. 50 na gasto di corte y (mas of menos) Afl. 12 na stampia. E stampia necesario mester wordo cumpra na Postkantoor. Tene cuenta cu mester tambe pasa censo pasobra e papel di Afl. 5 di censo no por falta. Pa un guia profesional riba e tema consulta cu un abogado. Riba www.ova.aw por haña un lista di abogado. Awor tin 2 manera pa haci un peticion di divorcio. Un peticion comun o sea uno cu ta wordo pidi door di e pareha hunto of e peticion por wordo haci door di solamente un persoan. Pa haci un peticion comun e pareha mester bisa otro “si” atrobe, (casi) mescos cu e dia cu nan a casa. Si e pareha no (kier) bisa otro “si” atrobe of kisas no tin comunicacion mas of e paradero di e otro persona no ta conoci, un persona so lo tambe por firma e peticion y entrega esaki na corte Den e e caso aki e otro pesona lo haña un copia di e peticion via corte. E diferencia entre esun cu e otro no ta mucho. Si e ta un petición comun e tratemento por bai mas liher (fast-track) pero si no den 3 luna maso of menos un divorcio por ta finaliza. Contrario na nos leynan anteriormente awendia no tin cuenta di e requisito di “overspel” mas of cuenta cu “mi no ta dune divorcio, su cuenta!”. Segun nos ley na momento cu un persona den e matrimonio haña cu tin diferencianan ireconciliabel esaki ta suficiente base pa corte pronuncia e divorcio. E ora juez lo traha un sentencia y esun cu a entrega e peticion lo haña un “grosse” di corte. Tambe un carta di corte cu ta bisa cu e divorcio ta final y cu e desicion no ta apelable. E termino “grosse” ta referi na e version original (oficial) di e sentencia. E otro parti no por llega corte cu prueba cu ta mustra cu no tin diferencianan ireconciliabel. Cu otro palabra na momento cu un miembro decidí di haci un peticion di divorcio, esaki lo tuma lugar.

Registra bo grosse, si no……

Una vez e grosse ta den bo man bo tin 6 luna maximo pa por formaliza e divorco. Pa haci esaki bo mester bai censo cu bo grosse den man y e carta cu ta bisa cu e divorcio ta final y cu e desicion no ta apelable y registra esaki na censo. Paga tino cu bo no por djis pasa laga e papel atras bo mester bai paden y entrega e documenonan oficialmente. Si bo laga e 6 lunanan aki pasa e desicion di corte ta bira nulo y bo(so) ta bolbe bek di ta un pareja casa #round2. Mi sa cu mas di un persona cu na momennto e a haña su grosse y a cai censo na careda pa registra e asunto. E no kiet a take ningun chance. Di otro banda tambe mi sa di un tercio cu a llega net un dia laat… Ora di bai registra e grosse no tin un sala bunita apart, no tin mester di testigo. Tampoco bo mester dal bo flus of sjimis y normal tampoco tin sacamento di potret. Aunque mi ta corda si di un caso unda e persona a bai registra su divorcio bisti cu e mesun smoking cu e a casa aden y a bai cu un fotografo pa inmortaliza e fecha aki cual tambe e kier a conmemora y celebra. E lunch cu a sigui despues tawata basta ameno según mi ta corda. Pa mas infomacion riba divorcio “fast-track” check por ehempel www.DivorcioAwor.com