Wak bon ora dos wowo cera!

August 16th, 2021

Wak bon ora dos wowo cera!

Siman pasa mi a touch un aspecto di  e tópico di herencia. Espacio den e columna ta limita y tin basta aspecto cu por wordo comparti. Berdad por ta tin caso unda tin jen hende para den rij pa claim “nan” parti di e herencia. Sea ta placa a cash, un pida tereno, un auto of cosnan manera e mesa di comedo, e stul di zoja, renchi di oro, cadena etc etc. Pero tambe tin caso unda por ta juist contrario. Ban wak cua esakinan ta.

Ami no kier nada

Tin biaha tin un of más heredero cu ta bisa “ami no kier nada”. Cu esaki e kier men cu e no ta interesa den obtene cual kier beneficio material di e herencia. Awor kisas lo bo pensa pero pa kiko haci esey si bo por haña un tiki cen of tereno? Wel esaki por tin di haber cu e persona ta sinti cu e no tin necesidad y e ta prefera sigui su bida trankil sin discusión of pleitanento over di cosnan material of kisas e ta prefera pa e otronan haña su parti. Ambos desicion ta honorable. 

Ami ta asumi debe (tambe)

Di otro banda corda cu un herencia ta bin cu “lusten en lasten”. Esaki kier men cu banda di un tiki cen of un pida tereno tin chens cu bo ta hereda debe tambe. Manera debe di belasting cu e difunto a bai laga atras, debe di préstamo haci, cuenta habri na un of otro establecimiento, debe di alimentatie atrasa etc. E debenan aki no ta bira debe di un heredero so pero e ta pisa riba ful e herencia y si tin fondo suficiente lo wordo cancela for di e herencia mes. Si placa no llega anto e ora e herederonan junto ta responsable pa e debe y lo mester hinka man den cartera pa paga esaki.  Sea un ta paga e debe y después e ta fix cu e otro herederonan of tur hende saca placa pa paga. 

Ami no kier debe

Awor si abo no kier “ni lusten, ni lasten” o sea bo no ta interesa di wordo beneficia door di e herencia pero tampoco bo kier wordo perjudica financieramente anyone ora bo tin un oportunidad pa bula afo completamente. Den un caso asina bo ta rechaza (verwerp) e herencia. Awor esaki bo no ta hacie door si post riba Facebook cu “mi ta rechaza” awe pa manjan delete e lost. No bo ta bai corte ña playa y bo ta pidi un formulario special cu no ta jena junto cu un kopia di bo ID y e acta di defunción (overlijdensakte). Tene cuenta cu bo por haci esaki solamente ora e persona cual su herencia no kier rechaza fayece y bo tin e Alta di defunción. Manera mi a bisa den e ultimo columna nos ta papia do herencia solamente ora un persona fayece no promer. Una vez cu esaki wordo haci e notario cu ta traha e verklaring van erfrecht por inclui esaki tambe.

Mi no kier debe pero mi no ta mind un tiki cen

Awor berdad ta ningún hende kier hereda debe di otro pero kisas no lo mind un tiki cen after all tur tiki ta juda. Pero bo no sa si e defunto a laga para para si debe atras na belasting of riba caya. E ora ey no por of investiga te unda bo por of bo por acepta e ejercía condicionalmente. E ora bo ta acepta e herencia bou di e condicion cu e benéficionan ta más hopi cu e debenan cu por tin. Pa haci esaki tambe bo mester bai corte pa jena e formulario of bo por apodera un abogado pa haci esaki pa bo si bo no kier deal cu esaki kisas recién después di e perdida familiar cu boa cana di sufri.

Tips

• No tuma desicion solamente riba e artículo aki. Esaki no ta consejo legal pa ningún caso individual. E ta un material complejo y nos leynan ta bai cambia pronto
• Contact autoridadnan  di impuesto pa hanja información di e estado di cuenta di e fayecido
• Informa banco pa asina por freeze e cuenta di banco te ora determina que tin derecho na kiko
• Papia riba e tema aki mientras esnan concerni ta ma bida y asina por ta cla riba e situación
• No lage pa manjan, esey por ta laat